Die afgelope paar maande hou ek myself besig met die mooi blomme. Ek maak dit vir 'n baie spesiale troue in Desember, maar dis al wat ek gaan se - ek wil niks verklap nie.
Ek het 'n Youtube tutorial gekyk en van daar af het die vou werk begin. Dis nie so ingewikkeld soos dit lyk nie, maar jy moet baie tyd op jou hande he en jy moet weet jy gaan baie vou.
Ek gaan vir julle stap vir stap wys hoe om die blomme te maak en ek gaan probeer om dit so maklik as moontlik te verduidelik.
Jy gaan die volgende nodig he:
* sker
* ou boek papier - jy kan dit by enige tweedehandse winkel koop
* wasgoedpennetjies
* gom
* knopies van jou keuse
* sosatie stokkies
Stap 1
Vou die eenkant van jou papier na bo, soos jy hier onder sien.
Stap 2
Sny die res van die papier af sodat dit in 'n driehoekige vorm is.
Stap 3
Vou die een punt van die papier na bo en doen dieselfde met die ander punt. Dit sal nou 'n vierkant vorm.
Stap 4
Vou nou altwee punte na buite sodat dit lyk soos hieronder.
Stap 5
Vorm 'n holte in die punte van die papier en druk dit plat.
Stap 6
Vou nou die punte van die papier om.
Stap 7
Vou nou weer die twee punte na binne.
Smeer gom aan die een deel van die papier en plak dit aanmekaar vas.
Dit behoort nou so te lyk.
Gebruik jou wasgoedpennetjies om seker te maak alles plak mooi aanmekaar vas en sit dit eenkant om droog te word.
Jy gaan die proses vyf keer moet herhaal. Op die ou einde gaan jy vyf dele aanmekaar vasplak wat dan een groot blom gaan vorm. Plak dan 'n knopie in die middel om dit ekstra mooi te laat lyk.
Druk na die tyd die sosatie stokkie versigtig in. Maak seker alles is mooi droog.
Wow Lia dit lyk na harde werk.Jyt beslis goed duidelik.Glo ons sal dit ook nouvkan reg kry na jou oulik verduideliking.Dit gaan vreeslik mooi lyk vir die spesiale troupe.
ReplyDelete